ప్రసిద్ధ పుణ్యక్షేత్రం యాదగిరిగుట్టకు వెళ్లే మార్గంలోని రాయగిరి వద్ద అత్యంత శోభాయమానంగా నూతన స్వాగత తోరణాన్ని నిర్మించనున్నట్లు ఆలయ కార్యనిర్వహణాధికారి (ఈవో) భవానీశంకర్ తెలిపారు. ఆదివారం ఆయన మీడియాతో మాట్లాడుతూ ఈ నిర్మాణానికి సంబంధించిన వివరాలను వెల్లడించారు.
రాయగిరి వద్ద సుమారు 40 ఏళ్ల క్రితం నిర్మించిన పాత స్వాగత తోరణాన్ని తొలగించి, అదే స్థలంలో పూర్తి ఆధునిక, ఆధ్యాత్మిక శైలిలో సరికొత్త తోరణాన్ని ఏర్పాటు చేయాలని ఆలయ పాలకమండలి నిర్ణయించినట్లు తెలిపారు. ఈ నూతన నిర్మాణం 100 అడుగుల వెడల్పు, 5.5 మీటర్ల ఎత్తుతో భక్తులను విశేషంగా ఆకట్టుకునేలా రూపొందనుంది.
ఈ స్వాగత తోరణ నిర్మాణానికి అయ్యే రూ.3.16 కోట్ల వ్యయాన్ని ఆలయ పాలక మండలి ఛైర్మన్ సత్యనారాయణరెడ్డి సొంత నిధులతో ఆర్థిక సాయంగా అందజేస్తున్నారని ఈవో తెలిపారు.